Директорот на српската Канцеларија за Косово и Метохија, Петар Петковиќ, изјави дека воениот сојуз на Косовските безбедносни сили и Вооружените сили на Албанија, чие формирање го најавува Албин Курти, е директна закана за Србија и српскиот народ, пренесува МИА.

„Тоа е оската на политиката на приштинскиот режим, која со секој потег и нов чекор кон формирање на таканаречената голема Албанија е насочена кон Белград“, рече Петковиќ во неговото соопштение.

Директорот додаде дека тие вооружени формации и „тропањето“ со оружје од страна на Приштина се случуваат пред очите на целата меѓународна заедница, на која ѝ забележа бидејќи не реагирала на ниту еден воен сојуз што Приштина го формираше со Хрватска и Албанија, кои се членки на НАТО.