Поддржувачите на српската опозиција се вратија на улиците на Белград, обвинувајќи ја како што велат популистичката Влада на претседателот Александар Вучиќ за измама на зиборните резултати на минатомесечните парламентарни и локални избори, пишува МИА.

Демонстрантите бараат поништување на резултатите од гласањето што се одржа  на 17 декември минатата година и повторно да се одржат слободни и фер услови.

Слични демонстрации беа одржани неколку дена по изборите.

На минатогодишните избори за победник беше прогласена владејачката Српска напредна партија, но главната опозициска алијанса „Србија против насилството“ тврди дека изборите биле украдени, особено на изборите за градските власти во Белград. Изборните власти и судовите ги отфрлија жалбите поднесени од опозицијата.

Според меѓународните набљудувачи дека изборите се одржале под нефер услови и тие укажаа на сериозни нерегуларности кои вклучуваат полнење на гласачки кутии и купување гласови.

Некои набљудувачи на локалните избори тврдат дека гласачите од цела Србија и од соседните земји биле носени со автобуси да гласаат во Белград. Тие исто така тврдат дека поддржувачите на власта биле регистрирани на лажни адреси.