Lajm i hidhur: Ka vdekur “Pele i Splitit”, golashënuesi legjendar i Hajdukut, Petar Nadoveza.
Pas një sëmundjeje të rëndë ka ndërruar jetë në moshën 81-vjeçare futbollisti, trajneri dhe drejtori sportiv legjendar. Petar Nadoveza.
Lajmin e hidhur e ka konfirmuar mëngjesin e sotëm Hajduk nga Spliti, ku ka lënë gjurmët më të thella. Nedoveza ishte golashënuesi i Hajdukut dhe përfaqësues i Jugosllavisë. Ai mbërriti në Split në vitin 1963 nga Shibeniku dhe kaloi 10 vjet në Hajduk para se të transferohej në Lokeren.
Preminuo Petar Nadoveza • https://t.co/akBJ40gNUh #Hajduk pic.twitter.com/fiA3CZpQLi
- HNK Hajduk Split (@hajduk) March 19, 2023
Për skuadrën nga Spliti ka luajtur 460 ndeshje në të cilat ka shënuar 296 gola. Ai fitoi titullin e kampionit të Jugosllavisë në sezonin 1970/1971, dy herë triumfoi në Kupë dhe dy herë ishte golashënuesi më i mirë në kampionatin e Jugosllavisë.
Karrierën e mbaroi në Lokeren në vitin 1975, ndërsa në Hajduk punoi për një kohë të gjatë si trajner dhe drejtor sportiv në kategoritë e të rinjve. Se sa i rëndësishëm ishte ai për këtë skuadër, tregon edhe pseudonimi i tij, ku shkruhej “Pele nga Spliti”.