Sot shënohen 120 vjet nga vdekja e revolucionarit maqedonas Goce Dellçev. Me atë rast delegacionet shtetërore maqedonase do të vendosin lule mbi varrin e tij në kishën "Sveti Spas" në Shkup, ndërsa është paraparë edhe përkujtimor për Kishën Ortodokse Maqedonase - Kryepeshkopata e Ohrit.

Në vendprehjen e tij të përjetshme do të vendosin lule, siç paralajmëroi presidenti Stevo Pendarovski, si dhe delegacioni parlamentar i kryesuar nga nënkryetari i Kuvendit Goran Misovski në përbërje të: Daniela Nikolova, Velika Serafimova Stojkovska dhe Merita Kolchi-Koxhaxhiku. .

Për nder të veprimtarisë mësimore, vizionit dhe misionit të mësuesit Goce Dellçev, dhe me rastin e 120 vjetëve nga vdekja e tij, Fakulteti i Shkencave të Edukimit në Universitetin "Goce Dellçev" Shtip do të hap një kënd historik në kuadër të fakultetit.

Për dallim nga 4 shkurti i këtij viti, kur një delegacion zyrtar nga Sofja mbërriti në festën e ditëlindjes së Goce Dellçevit, një gjë e tillë nuk është paralajmëruar tani.

Në një konferencë për shtyp në Sofje, më 27 prill të këtij viti, ud Ministri i Punëve të Jashtme të Bullgarisë, Nikolaj Milkov, tha se nuk është arritur marrëveshje me Republikën e Maqedonisë së Veriut për përkujtim të përbashkët të vdekjes së Dellçevit më 4 maj, megjithëse marrëveshje dhe praktika të tilla ka pasur edhe në vitet e kaluara.

Me rastin e shënimit të 120 vjetorit të vdekjes së Gode Dellçevit, MPB-ja nga dje vendosi një regjim të veçantë të komunikacionit, duke informuar se rruga “Samoilova” do të jetë e mbyllur për qarkullim.

Goce Dellçev vdiq në këtë ditë të vitit 1903 në fshatin Banicë, Greqia e sotme, në një betejë me ushtritë osmane.