Kryetari i GROM-it dhe kryetari i Komunës së Karposhit, Stevcho Jakimovski, përmes rrjeteve sociale ka shprehur qëndrimin e tij në lidhje me propozimin francez për fillimin e negociatave mes vendit dhe BE-së dhe zgjidhjen e mosmarrëveshjes me Bullgarinë. Jakimovski e përdori njoftimin edhe për ta kritikuar Hristijan Mickoski, me të cilin së fundi e prishën koalicionin.

“Nëse nuk vdes nga një sëmundje e rëndë, do të vdes nga e qeshura dhe atë nga Hristijan Mickoski. Imagjinoni, njeriu duke bërtitur anuloi protestat për t'u fokusuar tek "propozimi francez" dhe ju prisnit që unë të vazhdoja të qëndroja pas këtij njeriu, i cili kur nuk di se çfarë bën, i drejtohet gënjeshtrave. Ai nuk kishte në plan të protestonte dhe u përqendrua te "propozimi francez" si për të gënjyer se ishte kundër dhe në të njëjtën kohë për ta mbështetur. GROM nuk luan kështu! Kemi një përgjigje të qartë, KUNDËR!”, ka shkruar Jakimoski.