Полицијата на вуковарско-сремската жупанија денес пронајде девет странски државјани, заробени во дрвен сандак во товарно возило со кое управувал шверцер, пренесе српски „Курир“.

Мигрантите се пронајдени на автопатот Загреб-Липовац во близина на стојалиштетот Растовица, за време на контрола на возило со полски регистарски ознаки, во специјален сандак направен од иверца кој бил затворен со завртки.

– При отворањето на сакндукот, полициските службеници пронашле и веројатно ги спасиле животите на девет странски државјани – три мажи, две жени и четири малолетни лица. Во моментот на отворање на сандакот, полициските службеници почувствувале значително зголемена температура и загушлив воздух – соопшти локалната полиција.

За овој случај се уапсени три лица, еден државјанин на Украина и двајца на Полска.