Либерото на македонската одбојкарска репрезентација, Дарко Ангеловски-Шаби беше гостин на првата епизода на „СПорткаст“ на „Слободен печат“. Шаби пред микрофонот ги раскажа своите почетоци во одбојката, репрезентативните настапи, чувството да се претставува Македонија на меѓународна сцена, но и за проблемите во националниот дрес.

„Има млади деца, но има интересна политика кај нас. Се прави приватен бизнис од репрезентацијата. Репрезентацијата не е приватен бизнис, државно е сево ова. Тој приватен бизнис дојде и мене да ме брка од репрезентација. Да бркаат играчи кои заслужуваат да бидат дел од репрезентација, што се таленти, а на нивно место доааѓат нивни миленици кои врска немаат од одбојка. Тие миленици доаѓаат со цел да не се направи смена на играчите. Мислам дека играчите што имаат 35 плус години редно е да го препуштат местото на младите. Имаме златни деца кои играат на позиција на капитен, што треба да напредуваат, но некој не си го дава гнездото. Мене не ми е срам да се откажам ако има некој подобар од мене. Пробаа да бидат подобри и на терен и надвор од терен, но Шаби кога ќе стапне на терен… за првпат на натпреварот со Чешка од Европска лига, струмичаните скандираа Шаби, Шаби…“ , рече Дарко Ангеловски-Шаби на „СПорткаст“  со Стефан на „Слободен печат“.