Британската актерка Хана Вадингам ќе биде водителка на годинашното издание на најпопуларниот музички фестивал во Европа – Избор на песна за Евровизија, кој ќе се одржи од 9 до 13 мај во Ливерпул, Велика Британија.

Заедно со неа на сцената ќе се појават и британската пејачка Алеша Диксон и украинската пејачка Јулија Санина.

Сепак, најпријатното изненадување за евровизиските фанови е тоа што за време на финалната евровизиска вечер, на овие три дами ќе им се придружи и познатиот шоумен Грејам Нортон, кој е долгогодишен коментатор на Евровизија за „Би-би-си“.

 

View this post on Instagram

 

A post shared by Eurovision Song Contest (@eurovision)

„Евровизија е едно од најважните музички случувања во светот. Оваа година, можеби повеќе од кога било, ќе ни биде чест да стоиме рамо до рамо со Украина“, изјави Вадингам за „Би-би-си“.

„Многу сум возбудена што ќе помогнам да се организира настан што ќе ја направи мојата земја горда. Едвај чекам да дојдам во Ливерпул и да ги запознаам евровизиските фанови“, продолжи Санина.

Како потсетување, минатогодишен победник на Евровизија беше украинската група „Калуш Оркестра“, кои се искачија на првото место со песната „Стефанија“. Велика Британија, како второпласирани, ја преземаа организацијата на фестивалот поради тоа што Украина сè уште се соочува со руската инвазија.

Повеќе евровизиски вести:

„Би-би-си“ за контроверзната песна на „Лет 3“: Нема место за политика на Евровизија

Ќе ја претставува Италија на Евровизија: Марко Менгони по 10 години пак на тронот на Санремо

Дали оваа песна ќе победи на Евровизија? Веќе е хит на ТикТок!