Данил Медведев не дозволи изненадување и убедливо го совлада Роберто Баутиста Агут.

Рускиот тенисер на противникот во Астана му дозволи да освои само два гема, двата сета ги доби со по 6:1. Шпанецот одигра меч за заборав, па така големиот фаворит доминираше од почетокот до крајот и брзо ја заврши својата задача во четвртфиналето.

И во двата сета Медведев отвори со 4:0 и сигурно дека тоа влијаеше на самодовербата на шпанскиот тенисер кој разбирливо разочаран го напушти теренот. Со оваа победа Медведев закажа спектакл во полуфиналето против Новак Ѓоковиќ.

Во второто полуфинале во Астана силите ќе ги одмерат Стефано Циципас и Андреј Рубљов.