Спасовски: Власта целосно нелегално го основа средното полициско училиште
Во Собранието заврши расправата за предложениот закон за средното полициско училиште.
Препорачано
-
1
-
2
-
3
Заменик-претседателката на Собранието, Весна Бендевска, објави дека овој закон се донесува со мнозинство гласови од присутните пратеници, во кој случај мора да има „бадентерово мнозинство“, односно мнозинство гласови од присутните пратеници кои припаѓаат на заедниците кои не се мнозинство во државата.
Оливер Спасовски, координатор на групата пратеници на СДСМ, нагласи дека ова законско решение е неуставно, е целосно надвор од Законот за средно образование, во ниту еден случај не е во корелација со овие законски норми и на тој начин, како што рече, излегува надвор од рамките на образовниот процес во Македонија.
Минатата недела, министерот за внатрешни работи, Панче Тошковски, објави дека Средното полициско училиште ќе се врати од следната учебна година, од септември 2026-та.
Тошковски најави и загарантирано вработување за сите оние што ќе завршат средно полициско училиште.
