Седницата на Советот за безбедност на ОН за НАТО бомбардирањето на СР Југославија започнала вечерва во 20 часот по средноевропско време. По дискусијата на членовите на Советот за безбедност на ОН за дневниот ред на кој се расправало за НАТО бомбардирањето на СР Југославија во 1999 година, не бил усвоен, бидејќи не добил мнозинство гласови, пренесува српски „Денес“. 

Претставникот на Франција во Советот за безбедност на ОН изјавил дека Советот нема обврска да ја прифати точката на дневниот ред што ја презентира само една земја членка и затоа го отфрла барањето на Русија на денешната седница да се расправа за НАТО бомбардирањето на СР Југославија.

Тој додал дека Советот смета дека ова прашање не претставува прашање на меѓународна безбедност и дека светот нема време да се занимава со тоа, пишува Денес.

Русија изјавила дека прашањето за Косово е прашање на меѓународна безбедност, но претставникот на Франција истакнал дека тоа е контрадикторно бидејќи Русија не сакала да го вклучи Косово во оваа дискусија.

Францускиот претставник додал дека Русија на овој начин сака да ја оправда својата агресија врз Украина.

Претставникот на Русија, кој ја предложил оваа седница, изјавил дека не се согласуваат со она што го изјавил претставникот на Франција. Во своето излагање НАТО агресијата ја карактеризирал како незаконска и рекол дека јапонскиот претседавач се согласува со оваа агенда.

Тој побарал да се гласа која од членките на Советот за безбедност на ОН е против ваквата агенда.

Претставникот на Јапонија изјавил дека дневниот ред ќе биде ставен на гласање, на што претседателот Русиеј одговорил дека треба да се постави прашање кој е против дневниот ред.

Претставникот на Франција ги отфрлил наводите на рускиот колега дека бил консултиран за дневниот ред на седницата, велејќи дека биле консултирани само за одржување на седницата.

Претставникот на Русија изјавил дека е направена политичката координација на оваа средба, дека српските претставници биле информирани и дека денеска дознале дека Франција со овој дневен ред ќе се обиде да го оспори одржувањето на седницата.

По дискусијата, дневниот ред бил ставен на гласање, три гласа за, ниту еден против и 12 воздржани. Така, дневниот ред не бил усвоен, бидејќи не добил доволен број гласови, изјавил претседавачот.