Клучниот советник на Доналд Трамп, Стивен Милер, ја обвини Индија дека со купување руска нафта индиректно придонесува за финансирање на војната во Украина. Во изјава за Fox News, Милер истакна дека Трамп е решен да стави крај на оваа пракса и порача дека тоа е „неприфатливо“.

„Ќе бидете шокирани кога ќе дознаете дека Индија е речиси на исто ниво со Кина според количината купена руска нафта“, рече Милер.

Изјавата доаѓа во период кога САД воведоа 25% царина на индиски производи, како одговор на купувањето руска воена опрема и енергенси. Трамп дополнително се закани со царини до 100% за сите земји кои ќе продолжат да купуваат руска нафта, освен ако Москва не постигне мировен договор со Украина.

И покрај заканите, индиски владини извори за Reuters изјавија дека Њу Делхи нема намера да ја прекине соработката со Русија.