Ова е тешка сезона за Ливерпул, актуелниот шампион на Англија нема да ја одбрани титулата бидејќи е дури на седмото место пред крајот на сезоната 2020/21 година, а воедно е и во опасност да не обезбеди место во Лигата на шампионите.

Покрај тоа, клубот од „Енфилд“ објави дека за време на пандемијата на коронавирусот, забележа недостиг на приход од 141 милион евра. Но, ситуацијата според најавите драстично се очекува да се подобри, барем финансиски.

„Фенвеј Спортс Груп“, сопствениците на Ливерпул, објавија дека Ливерпул ќе добие 638 милиони евра од инвестициската фирма „RedBird Capital Partners“. Оваа инјекција ќе му помогне на Ливерпул „да го прошири брендот и да обезбеди финансиска стабилност“.

Менаџерот на екипата Јирген Клоп ја прокоментира првата добра вест за Ливерпул по долго време:

– Ова е дефинитивно многу добра вест. Инвестицијата што доаѓа ќе ни даде дополнителна сила – рече Клоп.