Пред неколку дена беше објавено дека Елеонора Бол, сопругата на поранешниот НБА кошаркар Данило Галинари, била нападната од ајкула додека со семејството уживала на одмор во Порторико. Сега, за првпат откако се случи инцидентот, таа го објасни страшниот момент.

„Бев практично на брегот со децата и сопругот. Невозможно е да отидете далеку кога имате деца и труднички стомак. Одеднаш почувствував силна болка во ногата и како некој кој е од Сардинија и навикнат на море, помислив дека е медуза. Го допрев местото и почувствував нешто меко, почнав да викам. Истрчав од водата, Данило ги зеде децата и тргна по мене. Кога погледнав, видов црвена боја и понатаму мислев дека е медуза, но брзо сфатив дека тоа е мојата изгрицкана кожа. Беше ужасно“, раскажа Бол.

Таа не го криеше своето разочарување од однесувањето на една од присутните жени, која во тој момент избрала да снима наместо да помогне.

„Уште е пред мене сликата на жената која впери телефон во мене и снимаше. Трудна жена во крв, а ти снимаш како да е циркус и ништо не правиш. Одвратно. За среќа имаше други луѓе кои покажаа човечност и помогнаа“, додаде таа.

Одмор кој можел да се претвори во хорор: Ајкула ја гризнала сопругата на поранешниот НБА кошаркар