Министерот за внатрешни работи Панче Тошковски и претседателот на Републичкиот совет за безбедност на сообраќајот на патиштата (РСБСП) Горан Ангеловски денеска ја презентираа новата опрема наменета за МВР – 23 мотоцикли „Piaggio“ од 310 кубни сантиметри и 23 комплети возачка опрема, која се состои од одела, кациги, ракавици и чизми.

„Со денешниот настан ја истакнуваме успешната соработка со РСБСП, која континуирано придонесува за подобрување на сообраќајната безбедност. Координацијата меѓу институциите носи конкретни резултати за граѓаните“, рече министерот Тошковски.

Претседателот на РСБСП Ангеловски додаде дека опремата, во вредност од 11.950.027 денари, ќе го зајакне капацитетот на МВР за регулирање на сообраќајот и обезбедување безбедност на патиштата.