Во зградата на Јавното претпријатие за Државни патишта, во центарот на Скопје, во близина на седиштето на ВМРО-ДПМНЕ било пријавено дека е поставена експлозивна направа. На терен излезени се полицијата и екипите на антитерористичката единица при МВР.

„Денеска (08.10.2025) во 12.55 часот лице од обезбедувањето на ЈП „Државни патишта“ пријавило дека на видео надзор пред канцелариите на ЈП „Државни патишта“ на плоштадот „ВМРО“ во Скопје биле забележани две лица како го разгледуваат местото, а едно од лицата оставило куфер. Полициски службеници се упатени на местото на настанот и се преземаат мерки за расчистување на случајот“, велат од МВР.