Собранието попладнево ги изгласа измените во Законот за енергетика, со кои македонското законодавство се усогласува со европската регулатива во областа на енергетиката. „За“ измените во Законот гласаа 62-ца пратеници.

Според Владата, една од најзначајните придобивки од измените е создавањето на либерален, транспарентен и конкурентен пазар за електрична енергија. Ова, според надлежните, ќе го зголеми изборот и квалитетот на услугите за потрошувачите, а цените на енергија ќе бидат пофер и пониски поради конкуренцијата. Законот е изработен од страна на Министерството за енергетика, без странски консултанти.

Министерката за енергетика Сања Божиновска неодамна оцени дека се работи за еден од најважните закони, кој требало да се измени уште пред две години, .

Претседателот на Регулаторната комисија за енергетика, Марко Бислимовски, вели дека со ова законско решение стануваме како да сме земја-членка на Европската унија бидејќи се имплементирани сите европски директиви во областа на енергетиката.

И двајцата сметаат дека најголем предизвик во следниот период ќе биде изработката и усвојувањето на подзаконските акти и регулативи.