Специјалната јавна обвинителка Катица Јанева, денеска беше разрешена од оваа функција.

Имено на собраниската седница која се одржа денеска, од 105 присутни пратеници, дури 102 гласаа „За“ за разрешување на Јанева. Немаше ниту „Против“, а исто така и „Воздржани“, тоа значи останатите тројца пратеници не го дадоа својот глас.

За оваа одлука гласаа „за” и 27 припадници од заедниците кои не се мнозинство.

По двочасновната расправа, Претседателот на Собранието, Талат Џафери побара од пратениците да го дадат својот глас за еднинствената точка на денешната собраниска седница.

Јанева е разрешена за несовесно, незаконско и нестручно работење. Претседателот на Собранието Талат Џафери ќе го достави Извештајот за разрешувањето на Јанева до Советот на јавни обвинители кој исто така треба да констатира дека Јанева е сменета.

Инаку за потсетување, специјалната јавна обвинитека Катица Јанева е обвинета во случајот „Рекет“, при што е во притвор во затворот во „Шутка“ од каде ќе го чека судењето за овој случај.