Пролетта е идеално време да си го освежите телото – Обидете се со протеинскиот режим на исхрана
Пролетта е идеално време да почнете да мислите како да ја доведете вашата линија до совршенство. Токму затоа обидете се да го намалите вишокот килограми со протеинската диета која голем број нутриционисти ја препорачуваат, и тоа токму во овој период од годината, кога можноста за јадење свежо овошје и зеленчук е поголема споредбено со зимскиот период.
Препорачано
Доколку сакате да се обидете да ослабнете со Протеинска диета, потребно е да бидете и физички активни, а не само да се придржувате кон правилата дадени во овој начин на исхрана. Со внимателно следење на правилата, во рок од еден месец ќе успеете да ослабнете од 7 до 13 килограми.
За да го постигнете тоа, комплетно треба да ги исфрлите слатките, а внесот на вода да биде поголем од 2,5 литри во текот на едно деноноќие.
Појадокот за време на 30 дена колку што трае диетата е постојано ист. Се јаде овошје и тоа секогаш во пар, како на пример две јаболка, две сливи и сл.
Прв ден:
Ручек: варено или печено месо со тежина од околу 300 грама, парче црн леб, свежа сезонска салата и 200 милилитри бистра супа.
Вечера: половина од ручекот, но без супа.
Втор ден:
Ручек: 3 варени јајца, свежа сезонска салата, едно парче интегрален леб.
Вечера: 1 варено јајце комбинирано со младо сирење.
Трет ден:
Ручек: печена или варена риба, комбинирана со свеж зеленчук, парче интегрален леб.
Вечера: туна од конзерва комбинирана со свежа сезонска салата.
Четврти – овошен ден
За време на овошниот ден се јаде исклучиво овошје и тоа во комбинација со многу вода.
Оваа диета се држи 30 дена, а деновите се повторуваат според дадениот распоред.
