Официјален Ватикан денеска соопшти дека Католичката црква не може да благословува исполови заедници, бидејќи, како што се вели во дописот, „Господ не може да благослови грев“.

Конгрегација за доктрина на верата, ортодоксна канцеларија на Ватикан, објави дека официјалниот одговор на прашањето дали католичкото свештенство може да благословува хомосексуални заедници е негативен, пренесува агенцијата АП.

Негативниот одговор, што е содржан на две страници во соопштението, е објавен на седум јазици и одобрен е од папата Франциск.