Екипи на ЈП „Улици и патишта“ во текот на изминатиов период вршат санација на ударните дупки на главните улици и булевари во градот со ладна асфалтна маса, согласно Програмата за одржување на градските сообраќајници во зимски услови,

Интервенции на оштетувањата на коловозот се изведуваа на Јадранска Магистрала, на улиците Скупи, Ацо Шопов, Ѓорче Петров, на мостот мост Обединети Нации, улица Сарај, на булеварите Кочо Рацин, Србија и на Јане Сандански, како и на другите улици во општина Аеродром и во Централно Градско Подрачје.

Деновиве според планот за работа се врши санација на дупките на булевар Гоце Делчев, улица Цветан Димов, улица Христијан Тодоровски Карпош и на Јужен булевар.

Од „Улици и патишта“ најавуваат дека за да се зголеми безбедноста во сообраќајот крпењето на ударни дупки продолжува и во наредниот период и на останатите градски сообраќајници.