Маж од Кина (58) се пријавил во болницата Хаику, во кинеската провинција Хаинан, поради лош здив, кога лекарите откриле дека проголтал лебарка, која му се заглавила во душникот – пишува Одити Централ. Овој човек го доживеал најлошиот кошмар. Една ноќ, додека спиел, се разбудил со чудно чувство дека нешто му лази по носот. Потоа почувствувал дека нешто му се спушта низ грлото, па почнал да кашла, но ништо не излегло, па само заспал.

Следниот ден, тој го заборавил целиот инцидент и отишол на работа. Освен лошиот здив кој му се појавил, ништо не укажувало на проблем. Но откако и по три дена здивот сè уште му мирисал одвратно и почнал да кашла жолт секрет, решил да побара лекарска помош.

Неименуваниот маж прво отишол кај специјалист ОРЛ во болницата Хаинан, но прегледот на горниот респираторен тракт не открил ништо сомнително. Сепак, пациентот бил убеден дека нешто не е во ред, па го прегледал и пулмолог. По направената Компјутерска томографија на градниот кош се појавила сенка во душникот што укажувало дека таму е сместен туѓ предмет.

Препорачана била бронхоскопија.

„Во текот на процедурата јасно видов нешто со крилја во бронхот“, вели д-р Лин. Јасно било дека станува збор за лебарка.

Откако ја извадиле лебарката од душникот на мажот, местото неколку пати било исплакано и исчистено од слуз, така што набрзо целосно исчезнала непријатната миризба што доаѓала од неа. 58-годишниот маж целосно закрепнал и бил отпуштен следниот ден.

Д-р Лин Линг вели дека ваквите бизарни случаи се многу ретки, но ги советува сите кои имаат причина да веруваат дека кога туѓо тело е заглавено во долниот респираторен тракт, да побараат медицинска помош што е можно поскоро.

Man Inhales Cockroach in His Sleep, Has Bad Breath for Three Days https://t.co/QSCENotJNw pic.twitter.com/b3r3pplfpH

— ✪ⓏⒶⒾⓇⓄⓁ✪ (@zairolhamisam) September 4, 2024