Денеска на улица „Кеј Вардар“ во Гостивар, полициски службеници го уапсиле М.А.(38) од Тетово поради примање поткуп од лице од Гостивар.

М.А. бил вработен во УЈП Тетово. Тој побарал од гостиварецот 300 евра за да не му биде затворен неговиот објект, откако пред една недела при контрола во објектот биле констатирани одредени законски недостатоци.

Побараните пари претходно биле крим-технички обработени и му биле дадени на М.А, кој се обидел да се ослободи од нив, но бил фатен и спречен во намерата. М.А. е задржан во полициската станица Гостивар и во консултација и координација со Јавен обвинител од ОЈО Гостивар ќе му биде изготвен соодветен поднесок.