Основниот кривичен суд – Скопје информира дека е одложена денешната расправа за случајот „Таргет/Тврдина“ поради доставено решение за изолација на еден од обвинетите. Од истите причини, според Судот, се одложува и расправата што е закажана за 16 ноември.

Од Судот ги информираат сите оштетени кои биле повикани на денешната расправа или за расправата закажана за 16 ноември дека можат писмено да се произнесат за евентуално отштетно побарување.

– Во однос на главната расправа за предметот со КОК бр. 47/17 од обвинителството означен како „Таргет/Тврдина” ја информирме јавноста дека на денешната расправа одбраната достави решение за изолација на претпоследно обвинетиот В.И. и побара одлагање на расправата. Заради економичност и целисходност на постапката, како и почитување на правата и обврските на странките во постапката за судење во разумен рок, судот ги поучи странките дека може да побараат раздвојување на постапката за денес отсутниот обвинет, но истото не беше прифатено од надлежниот јавен обвинител, соопшти денеска Основниот Кривичен суд Скопје.