Зад началникот на Генералштабот на руските вооружени сили, Валери Герасимов, кој во саботата ги презентираше резултатите од воената кампања во Украина, беше забележана врамена карта што предизвика големо внимание.

Рускиот новинар Јарослав Трофимов, кој работи за „Волстрит журнал“, прв го истакна значењето на мапата.

„Мапата на ѕидот зад Герасимов веројатно ги прикажува руските воени цели во Украина, кои покриваат половина од земјата, вклучувајќи ги Харков и Одеса“, напиша тој на платформата Х.

Што покажува картата?

На мапата, регионите Луганск, Донецк, Запорожје, Херсон, Николаев, Харков и Одеса се претставени како целосно одвоени од Украина. Иако Москва досега инсистираше само на контрола врз Донецк, Луганск, Херсон и Запорожје, присуството на Харков и Одеса како одвоени области сугерира можно проширување на амбициите.

Руски и западни проценки

Во своето обраќање, Герасимов најави продолжување на инвазијата со нови задачи за есенската офанзива, нагласувајќи дека „нападите се во тек на целиот фронт“. Според него, руската војска во моментов контролира:

• 99,7% од Луганската област,

• 79% од Донецката област,

• 76% од Херсонската област,

• 74% од Запорошката област.

Истовремено, проценките на Институтот за проучување на војната (ISW) се слични, но малку пониски: 99,7% Луганск, 76,7% Донецк, 73,2% Херсон и 73% Запорожје, наведуваат регионалните медиуми.

Во Харковската област, Русија контролира околу 4%, додека во Одеса областа останува целосно под украинска власт.

Порака или пропуст?

Иако не е јасно дали картата беше случајно изложена или намерно поставена, таа испрати силен сигнал за можните идни насоки на Кремљ. Според аналитичарите, визуелната симболика често може да открие повеќе од официјалните изјави.