Словенечката компанијата Геапродукт повлече од продажба црвени пиперки со потекло од Албанија, поради вишок пестициди ацетамиприд, форманат и флоникамид. Производите прво биле спакувани во картонска кутија, а потоа и во пластични кеси. Компанијата ги замолува купувачите да го вратат производот на местото од каде што го купиле. Доколку тоа не е можно, треба да го фрлат во биолошки отпад. Поради вишокот пестициди, производот не треба да се консумира. Лицата кои биле во контакт со контаминираната храна треба да ги дезинфицираат рацете, објави Н1 Словенија.

Во меѓувреме Хрватска и Босна и Херцеговина ги прекинаа испораките на праски од Албанија поради опасни супстанции, објави „Албански дневни вести“. Во албанските праски во Хрватска е пронајдена зголемена содржина на никел. До системот за безбедност на храната на Европската комисија е доставен сигнал со информации дека консумирањето на овошјето претставува потенцијална опасност за потрошувачите.

Откако Хрватска, Босна и Херцеговина ја прекина пратката на праски од Албанија поради високо ниво на пестициди. Поточно, во Босна се пронајдени зголемени нивоа на хлорпирифос, пестицид што може да предизвика штета на здравјето на луѓето. Босанските експерти предупредија да не се консумираат праските од пратката, бидејќи тие веќе се на пазарот, пренесува БТА.