Најдобриот српски тенисер Новак Ѓоковиќ ги изненади сите со позитивна вест за неговото закрепнување.

Откако поради повреда на ногата загуби во полуфиналето на Австралија опен од Александар Зверев, првичните прогнози беа дека ќе мора да паузира два месеци, што значи дека нема да се врати на теренот до крајот на март.

Сепак, новите информации носат оптимизам. Ѓоковиќ би можел да настапи на турнирот во Доха, кој е закажан за средината на февруари.

Српскиот ас во вторникот се врати од Мелбурн, а поради повреда го пропушти дуелот од Дејвис купот против Данска, што Данците го искористија и го свртеа резултатот во своја полза.

На крајот победија со 3:2, иако српската репрезентација по првиот ден водеше со 2:0.