Вчера во Скопје е тешко повредена 42-годишна велосипедистка во која удрил возач на електричен тротинет, кој потоа избегал од местото, соопшти МВР.

„На 16.07.2025 околу 16:05 часот во СВР Скопје е пријавено дека на крстосницата од бул.„Киро Глигоров“ и ул.„Перо Наков“ во Скопје се случила сообраќајна несреќа помеѓу велосипед управуван од И.Ј.(42) од Скопје и електричен тротинет управуван од машко лице, кој по несреќата го напуштил местото. Во несреќата со тешки телесни повреди се здобила И.Ј., констатирани во Градската општа болница „Св.Наум Охридски“. Извршен е увид од увидна екипа од СВР Скопје и се преземаат мерки за расчистување на случајот“, пишува во полициското соопштение.