Двајца прилепчани, на возраст од 39 и 31 година, вчера пријавиле во полиција дека во август и септември годинава, биле измамени од жител на Скопје.

Според пријавеното, тие контактирале со лицето за посредување за работа во Сојузна Република Германија и притоа во повеќе наврати уплатиле пари на сметка која тој им ја дал.

„До пријавувањето не добиле работна виза, а од пред една недела лицето престанало да комуницира со нив, по што сфатиле дека се измамени“, пишува во полицискиот билтен.

МВР соопшти дека се преземаат мерки за расчистување на случајот.