Двајца високи функционери на Католичката црква во Грција се под истрага од страна на властите во Атина за наводна проневера на 3 милиони евра од црквата, објави Euronews.

Истрагата спроведена од Грчката управа за борба против перењето пари, открила дека парите на Католичката црква завршувале во ноќни клубови во Грција. Таа веќе ги замрзнала банкарските сметки и средствата на пет сопственици на ноќни клубови во јужниот регион на Пелопонез.

Банките ги идентификувале овие трансакции како „сомнително движење на пари“, поради што е започната детална проверка со цел да се мапира позадината и да се идентификува реалниот број на лица инволвирани во случајот.

Во текот на истрагата се појавиле индиции за тешки кривични дела како проневера и перење пари.

Последниот сомнителен нелегален трансфер од 50.000 евра се случил пред само неколку дена.