Откако Бујар Османи, кандидат за градоначалник на Чаир рече дека ВМРО-ДПМНЕ испраќале емисари во ДУИ за да им нудат влез во владата, од ВМРО-ДПМНЕ стигна демант во кој велат дека ова се „ситни трикови на грофот од Зајас“.

Измислици и сценарија се изјавите на кандидатот за градоначалник на Чаир, Бујар Османи дека ВМРО-ДПМНЕ испраќа „емисари“ кај ДУИ со предлог за влез во Владата по изборите, Ситните трикови на грофот од Зајас не минуваат ниту во детска градинка. ВМРО-ДПМНЕ јасно и гласно порачува: единствените „емисари“ што ги праќаме се оние кои ја носат пораката на народот, а тоа е одговорност за криминалниот картел ДУИ – СДСМ. Одговорност за Али, Заев, Филипче, Груби и Османи. Токму на локалните избори овие две структури конечно и формално ќе завршат таму каде што одамна им е местото, на буништето на историјата, наведуваат од ВМРО-ДПМНЕ во својата реакција. 

Оттаму го нарекоа Османи „последниот портпарол на криминалниот картел кој граѓаните го препознале“.

-Но, неговата одбрана е залудна. Нема повеќе политичко мешетарење, нема пазари зад грбот на народот. Во октомври ќе има јасна пресуда, пресуда на граѓаните кои ќе ги испратат картелот на СДСМ и ДУИ во политичка пензија, а правдата ќе биде задоволена. Зашто таа има име и презиме, а одговорноста мора да се испорача, велат од ВМРО-ДПМНЕ.

Османи: Ни праќаат „емисари“ од ВМРО-ДПМНЕ, да сме влезеле во владата зашто Влен губи