Шерон Озборн, сопругата на легендарниот „татко на хеви металот“ Ози Озборн, се огласи за смртта на Лијам Пејн, кој почина во средата по трагичен пад од третиот кат од хотел во Буенос Аирес.

Озборн изјави дека „сите го изневериле“ и сподели фотографија од него.

„Лијам, срцето ме боли. Сите те изневеривме. Каде беше оваа индустрија кога ти требаше? Ти беше само дете кога влезе во една од најтешките индустрии во светот. Почивај во мир пријателе“, напиша таа.

Да потсетиме, Лијам Пејн влезе во светот на музиката на 14-годишна возраст. Потоа се пријави на аудиција за „Икс Фактор“, шоу во кое Шерон своевремено беше член на жирито. Две години подоцна се врати на аудиција, а потоа стана дел од бендот „Уан дајрекшн“.

Шерон Озборн не беше во жирито кога се натпреваруваше Пејн, но тие се познаваа преку поранешниот менаџер на „Уан дајрекнш“ – Сајмон Кауел.