Во неговото обраќање при Генералното собрание на Обединетите Нации, претседателот на Сирија Ахмад ал-Шара побара меѓународна поддршка поради тензиите со Израел, пренесува Би-Би-Си.

„Израел изврши напади врз цели во Сирија откако режимот на Асад падна, не можaм да дозволам воените средства да паднат во рацете на новата влада“, рече Шара.

Тој вели дека нападите се спротивставуваат на континуираната меѓународна поддршка за новата влада на Сирија и ги повика владите ширум светот да ги осудат и да ги одвратат понатамошните напади.

Шара, исто така, ги опишува промените што, според него, се случиле во Сирија откако неговиот сојуз на бунтовнички сили го собори Башар ал-Асад минатата година.

Неговата влада, изјави тој пред ОН, се залага за „правда без одмазда“, ветувајќи дека новите државни институции ќе ги повикаат на одговорност елементите на поранешниот режим.

Приказната за неговата земја, вели тој, одразува вечна борба „помеѓу доброто и злото“, пред да додаде дека започнува ново поглавје за неговата земја.

Исто така, Шара ги потсети ОН на „угнетувачкото“ владеење со кое се соочувале Сиријците во последните 60 години под режимот на Асад, за кој вели дека користел изопаченост, неправда, тортура и хемиско оружје против населението.