Сирија денес извезе 600.000 барели сурова нафта од пристаништето Тартус, објави сириски службеник за енергија. Ова е првата извезена пратка сурова нафта за 14 години.

Во 2010 година, Сирија извезуваше 380.000 барели нафта дневно. Тоа беше една година пред протестите против претседателот Башар ал-Асад да се претворат во речиси 14-годишна војна што ја уништи економијата и инфраструктурата на Сирија, вклучително и производството на нафта.

Поголемиот дел од нафтените полиња се на територија под контрола на Курдите. Асад беше соборен од власт минатиот декември, а исламистичката влада што го замени вети дека ќе ја оживее сириската економија.

Ријад ал-Џубаси, помошник-директор за нафта и гас во сириското Министерство за енергетика, изјави за Ројтерс дека тешката сурова нафта била продадена на глобалната фирма за трговија со нафта „Б Серв Енерџи“.

Поголемиот дел од нафтените полиња на Сирија се на североистокот на земјата, на територија под контрола на Курдите. Нивните власти почнаа да испраќаат нафта во Дамаск во февруари, но односите оттогаш се влошија поради загриженоста за инклузијата и правата на малцинствата.