„Целиот јавен превоз во Белград ќе биде бесплатен од 1 јануари“, изјави денеска Александар Шапиќ, градоначалникот на српскиот главен град.

Тој на прес-конференција најави „сеопфатен пакет социјални мерки кои во Белград не постоеле во последните 50 години“, а кои ќе почнат да се применуваат од Нова година, пренесе „Данас“.

„Веќе нема месечни, годишни или слободни. Со оваа социјална мерка, Белград станува единствениот град во Европа со повеќе од половина милион луѓе што има бесплатен јавен превоз“, рече Шапиќ.

Исто така, до крајот на 2025 година во Белград нема да има автобуси постари од две години, најави градоначалникот.

„Јас сум првиот што сакаше да се справи со проблемите. Ви кажав дека додека не пристигне метрото, како примарна форма на превоз, Белград е единствениот град со ваква големина, а има толку голем број на автомобили, без метро“, рече тој.