Италијанските туристи продолжуваат да ги истражуваат природните убавини на Албанија. Природниот парк „Сино око“ несомнено останува една од главните дестинации за туристите кои доаѓаат во Албанија. И покрај тоа што е крајот на септември, во близина на изворите на планината Ѓера можат да се видат стотици посетители, пренесува АБЦ Њуз.

Претежно италијанските туристи избираат да го посетат „Синото око“ во септември поради пониските температури.

„Јас сум Пола и доаѓам од Неапол, на одмор сум овде на ова прекрасно место, навистина многу убаво.. Прв пат ми е овде.. Овде сум веќе 5 дена. Албанија е фантастично место за посета и истражување, со фантастични луѓе, фантастични плажи..Септември е совршен месец за празници, ниту премногу ладен, ниту премногу топол и нема многу луѓе… Ќе се вратам следната година“- велат италијанските туристи.

За нив туристи, оваа туристичка дестинација дефинитивно треба да се посети и додаваат дека Албанија ќе им ја предложат на пријателите, за впечатоците што им ги оставила.

„Албанија е спектакуларно место, на сите им предлагам да дојдат овде, особено во средината на септември, се е поубаво и почисто во овој момент. „Синото око“ е неверојатно. Тоа е прекрасно место, ќе дојдам уште стотици пати, прекрасно е, нема што да се додаде- велат туристите.

„Синото око“ се претвора во туристичка дестинација која се посетува во текот на цела година, а висок број на посетители се очекува и за месец октомври.