Низа банки, авиокомпании, аеродроми, железници, телекомуникации, медиуми и супермаркети останаа без компјутерски системи поради проблем со апликација на оперативниот систем „виндоус“.

Проблеми со „сини екрани на смртта“ биле пријавени од целиот свет, од САД, преку Обединетото Кралство и Индија, па сѐ до Јапонија, Австралија и Нов Зеланд. Персоналните копмпјутери едноставно немале пристап до интернет. Погодени биле услугите на „Амазон“, „Инстаграм“, „Ибеј“, „Виза“, а откажани биле летови на „Американ ерланјс“, „Делта“ и „Јунајтед ерлајнс“ и „Вирџин“.

Во Алјаска била загрозена работата на итните служби. Во супермаркети низ Австралија не можело да се плаќа по електронски пат, а прекината била програмата на телевизии и радија. Во Британија било прекинато емитувањето на програмата на каналите на „Скај њуз“.

Проблемот е лоциран во платформата „фалкон сензор“ на „краудстрајк“, чија цел е да спречи пробивање на базите на податоци што се чуваат во виртуелниот простор.

– Нашите инженерски тимови активно работат да го надминат овој проблем – соопшти „Краудстрајк“.

Претставник на „Мајкрософт“ изјави дека „повеќето од услугите се вратени во нормална состојба“.