Банката ОЦБЦ од Сингапур воведе биометриска технологија за препознавање на лица за услуги на банкоматите со што ја елиминира платежните картички. Од банката тврдат дека се први со фацијална биометрија во југоисточна Азија за услугите за проверка на состојба на сметките на осум банкомати на подрачјето на Сингапур.

Банката планира постепено ширење на технологијата и за подигнување на готовина на своите банкомати во Сингапур, кога ќе се утврди колку е безбедно таквото функционирање на банкоматите. Потегот следува по воведување на кју-ар технологијата на кодови при подигнување на кеш во јули во 2019 година.

Скенираното лице на клиентот се проверува и верифицира во националната биометриска база на податоци на Сингапур која содржи фотографии и идентитети на четири милиони жители на градот-држава.

Верификацијата на лице содржи безбедносна функција за спречување на манипулации, која вклучува и технологија за детекција на жив организам со што се блокира евентуална злоупотреба на фотографии, видео записи или маска при постапката.

Стручњаците велат дека ваквите технологии и натаму носат одредени безбедносни предизвици на чија елиминација треба да се работи.