Фото: Screenshot/YouTube

Симоновски: Не се памти во ист момент да се појават 8 пожари на територија на Град Скопје

„Не се памти дека во ист период и ист момент може да се појават 8 пожари на различни места на територијата на Град Скопје. Не утврдуваме ние дали некој пожар е подметнат или не, има институции кои треба да одговорат на тоа прашање“ кажа командантот на скопската противпожарна единица на град Скопје, Владимир Симоновски за Канал 5 телевизија.

Тој додаде дека вчера бил еден од најактивните денови за противпожарната единица со 22 интервенции.

„Од 29 пријави, 7 повици беа лажни, а ние мораме и на таквите да реагираме и да излеземе, па потоа да се враќат. Ја модернизиравме бригадата минатата година и со новата телефонска централа имаме увид во броевите. Понатаму ќе постапуваме според законот, ќе ги пријавиме случаите и МВР ќе треба да ги испитува лажните повици“ кажа Симоновски.

За пожарот кој што се појави кај фабриката на „Охис“, Симоновски рече дека се појавиле пожари на три локации кои немале допирни точк меѓу себе.

„Не можеме со сигурност да потврдиме, тоа ќе треба да кажат институциите, но ние сметаме дека пожарот во ОХИС беше подметнат“ кажа Симоновски.

 

Почитуван читателу,

Нашиот пристап до веб содржините е бесплатен, затоа што веруваме во еднаквост при информирањето, без оглед дали некој може да плати или не. Затоа, за да продолжиме со нашата работа, бараме поддршка од нашата заедница на читатели со финансиско поддржување на Слободен печат. Станете член на Слободен печат за да ги помогнете капацитетите кои ќе ни овозможат долгорочна и квалитетна испорака на информации и ЗАЕДНО да обезбедиме слободен и независен глас кој ќе биде СЕКОГАШ НА СТРАНАТА НА НАРОДОТ.

ПОДДРЖЕТЕ ГО СЛОБОДЕН ПЕЧАТ.
СО ПОЧЕТНА СУМА ОД 100 ДЕНАРИ

Видео на денот