Сиљановска-Давкова: Солидарни сме со Бугарија по катастрофалните поплави
Претседателката Гордана Сиљановска Давкова изрази длабоко сочувство до бугарскиот народ поради катастрофалната поплава што ја погоди соседната земја.
Препорачано
-
1
-
2
-
3
„Веста за катастрофалната поплава длабоко ме вознемири мене и сите македонски граѓани. Солидарни сме со вас и со бугарскиот народ. Жалиме за жртвите и на нивните најблиски им изразуваме искрено сочувство. Со вас сме во овие тешки моменти и ги доживуваме како свои,“ напиша претседателката на социјалната мрежа X (поранешен Twitter), упатувајќи порака и до бугарскиот претседател преку означување на неговиот профил @PresidentOfBg.
Од Кабинетот на претседателката информираа дека Северна Македонија е подготвена да понуди помош и поддршка на бугарските власти, доколку биде побарана.
Бугарскиот претседател по телефонскиот разговор со македонската претседателка изрази благодарност за понудената помош и објави на социјалната мрежа Х дека Северна Македонија е подготвена да обезбеди поддршка за справување со последиците од поплавите во Бугарија.
Русинка е четвртата жртва во поплавите во Бугарија – телото било најдено закопано во кал
