Претседателката Гордан Сиљановска Давкова, изрази сочувство за смртта на папата Франциск, во која пишува дека по четириесетината минути незаборавен разговор, ќе го памети по исклучителниот ум, мудрост, топлина и едноставност.

– Како народен папа, му го честиташе на христијанското семејство Христовото воскресение и утринава мирно си замина во вечноста. Јас пак, по четириесетината минути незаборавен разговор, ќе го помнам по исклучителниот ум, мудрост, топлина и едноставност – порача Сиљановска Давкова.

Минатата година претседателката Сиљановска Давкова, за време на неколкудневната посета на Рим и Ватикан, по повод одбележувањето на 24 Мај – Денот на сесловенските просветители, одржа средба со папата Франциск. На средбата, меѓу другото, се усогласиле околу поддршката на Ватикан на патот кон Европската унија, како и за тоа дека сме пример за религиозен дијалог.

Ватикан: Погребот на папата Франциск ќе се одржи во сабота на 26 април

Погребот на папата Франциск ќе се одржи во сабота на 26 април во 10 часот на плоштадот пред базиликата Свети Петар.

Претходно денеска беше соопштено дека телото на починатиот папа ќе биде однесено во базиликата Свети Петар во среда во 9 часот. Телото на папата Франциск во моментов е изложено во капелата на резиденцијата Санта Марта каде што живеел во текот на 12-те години како поглавар на Римокатоличката црква.

Папата Франциск почина вчера на 88-годишна возраст, а како што соопшти синоќа Ватикан, причината за смртта е мозочен удар и срцева слабост.