Сиљановска-Давкова: Копенхагенските критериуми ќе нè направат досадна држава, ветото не е пријателски инструмент
Копенхагенските критериуми се тие кои ќе не направат, стандардна европска, досадна држава, а ветото не е пријателски инструмент, рече претседателката Гордана Сиљановска-Давкова на заедничката прес-конференција со хрватскиот претседател Зоран Милановиќ.
Препорачано
Таа додаде дека очекува разбирање, но како што нагласи во меѓувреме мора да ја тераме државната агенда, економски, културно да се развиваме.
Односите со Хрватска таа ги оцени како традиционално пријателски, велејќи дека никогаш нема да биде заборавено дека во 2020 година за време на хрватското претседателство во ЕУ го направивме чекорот заедно со Албанија.
„Тоа е знак на разбирање, знак на поддршка. Хрватска и покрај тоа што е членка на ЕУ има разбирање за регионалните потреби, има разбирање за Западен Балкан. Многу пати претседателот повторува дека сме географски, културно, историски дел од Европа. Во однос на нашето чекање за ЕУ повторувам дека верувам оти Копенхангенските критериуми се тие што ќе направат стандардна европска досадна држава, дека ветото не е пријателски инструмент, дека очекувам разбирање. Се разбира ние мора да ја тераме државната агенда, бидејќи легитиметот извира од граѓаните, мислам економски, културно, научно да се развиваме, рече Сиљановска-Давкова.
