Силите на Авганистанскиот национален отпор во Паншир велат дека убиле 350 талибанци во текот на ноќта, пренесува b92.net

Нивното оружје е запленето, се вели во соопштението на авганистанскиот фронт за национален отпор.

„Во текот на ноќта, борците на националниот отпор убија 350 талибански терористи кои се обидуваа да преземат области во долината Паншир. Нивното оружје беше запленето”, објави Фронтот на Твитер.

Паншир се уште е единствената авганистанска провинција надвор од талибанската контрола, сместена во планинските области североисточно од Кабул. Телевизијата Ал Џезаира објави во четвртокот, повикувајќи се на извор во Талибанците, дека Талибанците одлучиле да започнат воена операција против силите на Авганистанскиот фронт за отпор во провинцијата Паншир, откако пропаднаа преговорите со водачот на отпорот Ахмад Масуд.