Кратовски Силекс се соочува со сериозни проблеми во битката за титулата откако тренерот Александар Васоски поради протести кон судиите во вчерашниот натпревар против Вардар заработи суспензија од еден месец.

Васоски изрази незадоволство од судењето во Кратово, а по натпреварот влезе во конфликт со арбитрите и затоа заработи црвен картон. Поради таа ситуација сега еден месец нема да биде на клупата на Силекс, но и ќе плати парична казна од 200 евра.

Забраната за Васоски почнува од денеска и ќе важи до 10 април и Силекс без него ќе биде во натпреварите против Брера, Тиквеш и Воска.

Ќе потсетиме, Силекс во вчерашниот натпревар во последните моменти од натпреварот остана без победа, а Вардар дојде до бод со голот на Омерагиќ.

ПМФЛ: Шкендија го совлада Пелистер, Гостивар ремизираше против Брера Струмица