Окупираните украински градови Мариупол, Волноваха и Доњецк ќе бидат поврзани со железница. Украинските власти тврдат дека Русија гради нова железничка линија што ќе ги поврзе трите града северно од Азовското Море, јавува Си-Ен-Ен, пренесе Бета.

Советникот на прогонетиот градоначалник на Мариупол, Петро Андриушченко, објави дека Русите „почнале да градат железнички мост над реката Калмиус во близина на селото Хранитне, линија што директно се поврзува со руските градови Таганрог и Ростов на Дон.

Андриушченко додаде дека ако се изгради железницата, тоа ќе им овозможи на Русите да транспортираат воени и цивилни резерви на окупираните територии во јужна Украина без да се потпираат на мостот на Крим, кој украинските сили го нападнаа во последните месеци додека се обидуваат да ги прекинат руските линии за снабдување на полуостровот Крим.