Швајцарската полиција стави под надзор 11-годишно момче кое наводно било радикализирано од исламски екстремисти, објави денеска државната швајцарска телевизија.

Тој е најмладиот вмешан во ваков случај досега во Швајцарија.

Полицијата во кантонот Вале, во јужна Швајцарија, го испрашала момчето во јуни поради „расистички и дискриминаторски коментари“ што ги објавил на социјалните мрежи, објави телевизијата. Оваа информација беше потврдена од судот за малолетници на кантонот.

11-годишното момче призна дека имал контакти со луѓе вклучени во екстремистички движења во странство.

Судот не ги именуваше „движењата“ за кои станува збор, но според телевизијата тоа се исламистички и џихадистички организации.

Локалните власти започнаа судска истрага за детето, чија националност не беше соопштена.

Судот за малолетници нагласи дека се уште не е констатирано степенот на неговата радикализација и во секој случај 11-годишникот ужива презумпција на невиност.