Љупко Петровиќ, тренерот кој со Црвена звезда стана европски шампин во 1991 година, открива дека „црвено-белите“ ќе беа уште посилни и ќе домнираа во Европа доколку не се случеше граѓанската војна во тогашната СФР Југославија во 1991 година.

Петровиќ во интервју за „Данас“ открива дека веднаш по освојувањето на европската титула, Црвена звезда успеала да се договори со двајца хрватски фудбалери кои тогаш се сметаа за големи таленти, Роберт Јарни и Давор Шукер.

– Давор Шукер и Роберт Јарни се играчите кои успеавме да ги „капарисаме“ и кои требаше да дојдат во Црвена звезда летото 1991 година. Преговаравме и со Славиша Јокановиќ и бевме пред договор. Со тогашниот тим и засилени со овие тројца фудбалери, ви гарантирам дека ќе бевме незапирливи во Европа. Исто така ви гарантирам дека неколку пати ќе го посторевме успехот од Бари. Меѓутоа се случи граѓанската војна и целата работа пропадна. Жалам за тоа бидејќи Југославија имаше капацитет да донесе неколку европски титули – вели Петровиќ.