Вработени во скопската подрачна единица на Фондот за здравствено осигурување најавија штрајк, дознава „Слободен печат“, причина за штрајкот се ниските плати.

Во Фондот денеска го посетија претставници од подрачните служби од цела Македонија, кои сметаат дека имаат ниски примања и се не задоволни од веќе зголемените 5 отсто.

Претседателот на УПОЗ, Пеце Груевски денеска во Фондот изјавил дека ќе ги затворат шалтерите доколку до четврток не договорат повисоки плати.

Одговор од раководството на Фондот очекуваат утре, во спротивно во четврток стапуваат во штрајк.

Имено, министерот за здравство, Венко Филипче во август го најави зголемувањето на платите за пет отсто, кое стапи на сила од 1 септември годинава.