Што прави денеска: Фросина Ангеловска – Фран, модна дизајнерка и професионална шминкерка
Фросина Ангеловска – Фран е модна дизајнерка, стилистка и професионална шминкерка. Покрај тоа што е успешна во својот приватен бизнис, таа е горда мајка на синовите Горазд и Дарин. Максимално ужива во работата и времето минато со семејството, а секој слободен момент го посветува на себе и пријателите.
Препорачано
View this post on Instagram
Фросина ни долови како изгледа еден нејзин ден…
„Утрото ми започнува рано и молскавично брзо. Се будам во 6:30 часот, по што почнувам со подготовка на моите деца за во градинка. Потоа си подготвувам кафе без шеќер и уживам во тишината што следува по „бурата“, односно кога ќе ги испратам двајцата „бандити“ во градинка.
View this post on Instagram
Тоа се моите утрински моменти на релаксација, кога уживам во мирисот на кафето со исклучен телевизор, уживајќи во тишината на мојот дом. Мојот работен ден почнува во истиот момент кога ќе се качам на моето моторче, а со тоа започнуваат и дневните работни обврски што се „распрскани“ на многу локации низ градот.
View this post on Instagram
Потрага по совршените материјали за подготовка на креации, враќање во студио за да почнат да се шијат. Потоа истите модели ги носам на везење, брендирање или печатење. Секако тука се и консултациите и секако проба на нарачаниот модел со клиентот. Покрај обврските околу нарачаните креации, тука се и закажаните термини за шминка или консултација за нова креација. Доколку остане малку слободно време, го користам за кафе-пауза со пријателите. Во принцип денот ми изгледа „1.000 на саат“ и понекогаш тоа знае да биде многу напорно, бидејќи имам премногу обврски од различен карактер, кои не ги вклучуваат само работните обврски, туку и домашните – приватните обврски.
View this post on Instagram
Кога сте родител на две мали деца, тоа значи дека постојано ве очекуваат обврски околу нив и домот. Пример: Ти си го средил едниот дел од домот, а другиот е веќе растурен. За подобро да се организирам, секое утро си правам една листа во мојот мобилен телефон што сѐ треба да направам во текот на денот и таа листа не е само со професионални обврски, туку и со приватни обврски, како на пример, што треба да купам од супермаркет, што да зготвам и ред други обврски. Можеби на момент звучи клише, но и тие обврски се дел од секојдневието на една мајка.
View this post on Instagram
Бидејќи работам приватно, слободно можам да кажам дека мојот ден нема точно определено работно време. Можам да излезам од дома и попладне, со тоа што претходно ќе ги завршам домашните обврски и да се вратам дома дури вечер, затоа што работните обврски сум ги оставила за попладне. Обично клиентите што доаѓаат на проби и консултации најчесто избираат тоа да биде во попладневните термини. Секако, се случува и некои обврски да е неопходно да се завршат рано наутро, па според тоа го организирам и целиот мој ден.
View this post on Instagram
Кога станав мајка по вторпат, денот стана уште пократок, иако се трудам да одржам контакт со сите драги личности. Денот не е бурен само за мене, туку и за мојот сопруг, но сепак секогаш наоѓаме време да поминеме време на кафе или дружење во домот со нашите пријатели и роднини.
View this post on Instagram
Се обидов, во оваа моја бурна агенда да вклучам и некоја дополнителна активност за себе. Се запишав на вежбање, но се покажа дека не е одржливо затоа што во еден ден покрај запишаните обврски секогаш излегуваат непредвидени работи.
View this post on Instagram
Кога сте родители на мали деца, секогаш се тука и редовните настинки и вируси, кои сами по себе носат многу непроспиени ноќи и постојано бдеење над нив. Секако, не сакам ова да звучи како екстензивна поплака за тоа како изгледа животот на една мајка која работи приватно со две мали деца. Јас екстремно уживам во мојата работа што ми дава огромна сатисфакција, а од кога ги добив моите синови, едноставно живеам за сето тоа што го правам секојдневно.
View this post on Instagram
Сите работни и обврските околу моите деца ми претставуваат огромно задоволство. Можеби на сметка на тоа во одреден период се губиш себеси, но времето лета и моментите минати со нив додека се сè уште мали е многу кратко бидејќи многу брзо растат. Поради таа причина гледам максимално да уживам во времето минато со нив.
View this post on Instagram
Порано имав навика да се шминкам и да одбирам стајлинзи и по неколку часови пред огледало и да уживам во утринското кафе полека, без брзање, сега сето тоа е невозможно. Сега се шминкам еднаш преку две недели, затоа што тоа не ми е приоритет во моментов. Приоритет ми е да се завршат обврските, а доколку најдам барем малку слободно време, седнувам и уживам пред огледало додека се шминкам, бидејќи тоа е нештото што ме отсликува.
View this post on Instagram
Никогаш не очекував дека ќе станам од оние „грнчари на кои грнчето им е скршено“, односно шминкерка која се шета низ градот ненашминкана, но морам да го оптимизирам времето кое го имам на располагање. Но затоа кога ќе се нашминкам, сето тоа ми дава некоја посебна енергија и посебно чувство што не сакам да го изгубам бидејќи ме потсетува зошто ја сакам оваа работа и зошто и другите луѓе доаѓаат кај мене да ги нашминкам за бројни поводи.
Се трудам да не го испуштам тој момент и гледам да држам до себе и секоја прилика кога можам да се посветам на себе затоа што сепак тоа е дел од мојот карактер и моето битие. Денот да трае 30 часа, можеби и ќе постигнам, но со 24 часа секогаш мора да приоритизирам.“
