Младата медицинска сестра Сибел Омерова на тест ја стави хуманоста – тест кој Штип и штипјани го поминаа и на дело ја покажаа човечноста. Не се откажуваат од идејата за собирање на средствата кои се потребни за лекување на нивната сограѓанка. Секаде низ градот се поставени донаторски кутии за собирање на средства – локали, маркети, а од вчера граѓански активисти со иновативна идеја таканаречен „хуманитарен шопинг „ ги мобилизират и помалите фирми.

„Тоа е еден модел каде учествуваат претставници на бизнис секторот, оние помалите и сите оние мали бизниси, креативци кои на некој начин сакаат да се вклучат. Од една страна донаторите ссе тие, а од друга страна донатор  може да биде секој граѓанин кој има желба да донира одредена сума пари. Станува збор за симболични средства од 200денари, па нагоре, а за возврат на својата донација да добие некој производ или услуга која би покрила дел од неговите секојдневни потреби„ изјави Викторија Милановска-Патраклиев, граѓански активист, пренесе Алфа.

За лекување во Истанбул, на младата медицинска сестра потребни се 70.000евра. Единствено тамошните лекари се нафатиле да ја оперираат, а потоа и да продолжи со хемотерапија.